Ntawm M Health Fairview, txhua tus neeg tau kev txais tos yam sov siab hlo. Peb paub zoo tias cov xov xwm tsis ntev los no txog kev tswj hwm kev nkag teb chaws hauv Minnesota yuav ua rau coob leej muaj kev txhawj xeeb los sis hnyav siab. Peb cov tsev kho mob thiab cov chaw kho mob yog cov chaw uas muaj kev nyab xeeb uas txhua leej tuaj yeem tau txais kev kho mob tau, tsis hais lawv yuav yog leej twg los sis lawv tuaj qhov twg tuaj los xij.
- Peb ua raws li cov cai tswj fwm kev ceev ntiag tug yam nruj
- Peb tiv thaiv koj cov ntaub ntawv kho mob
- Peb kho txhua leej nrog kev huab hwm, kev hlub tshua thiab muab kev saib siab
Peb cov lus cog tseg los saib xyuas koj tsis hloov pauv – tsis hais thaum twg los xij, tshwj xeeb tshaj yog thaum lub sij hawm tsis paub meej li ntawd.
Cov cai tswj fwm uas tau tsim tau ntev los ntawm Fairview qhia peb seb yuav teb li cas thaum muaj tub ceev xwm tuaj ua hauj lwm hauv qhov chaw, suav nrog Lub Chaw Kuaj Neeg Nkag Teb Chaws thiab Sau Se (Immigration and Customs Enforcement, ICE). [IGS1.1]Cov cai tswj fwm ntawd yog tsim los tiv thaiv tus neeg mob txoj kev ceev ntiag tug, kev nyab xeeb thiab kev nkag cuag tau rau kev kho mob, nrog rau yuav tsum tau ua raws li cov cai lij choj uas muaj feem cuam tshuam. Fairview yuav tsum tau ua raws li txhua txoj cai lij choj uas muaj feem cuam tshuam thaum saib xyuas cov neeg mob uas tuaj kho mob ntawm peb qhov chaw kho mob uas tau txais kev saib xyuas los ntawm tub ceev xwm.
Txhawm rau kom paub meej:
- Peb tsis pub cov neeg ua hauj lwm ICE nkag los rau hauv peb cov chaw kho mob yam tsis muaj ntaub ntawv raug cai.[SC2.1]
- Peb yuav tsis qhia tus neeg mob cov ntaub ntawv los sis cov neeg ua hauj lwm rau cov tub ceev xwm yog tsis muaj cov ntaub ntawv raug cai uas yuav tsum tau kom Fairview ua li ntawd.
- Peb tiv thaiv tus neeg mob txoj cai ceev ntiag tug raws li txoj cai lij choj ntawm kev kho mob
- Peb muab kev saib xyuas yam tsis saib txog tias koj yog neeg tsiv teb tsaws chaw
- Peb cov neeg ua hauj lwm tau kawm cob qhia kom ua raws li cov txheej txheem kom ntxaws txhawm rau kom ntseeg tau tias kev saib xyuas, kev nyab xeeb, thiab kev ceev ntiag tug tau raug tiv thaiv.
Peb cov chaw kho mob thiab tsev kho mob tseem yog qhov chaw uas tib neeg tuaj yeem tuaj kev kho mob tau yam tsis muaj kev txaus ntshai. Txawm tias nyob rau lub sij hawm tsis paub meej – tshwj xeeb tshaj yog nyob rau lub sij hawm tsis paub meej – qhov kev cog lus ntawd yuav tsis hloov pauv.
Cov Lus Kheev Nug
ICE tau ntxiv ntau cov dej num rau hauv peb lub xeev. Peb paub zoo tias qhov no yuav ua rau coob leej ntshai los sis muaj kev hnyav siab. Txawm tias yuav muaj tes dej num no los xij, peb lub hom phiaj tseem zoo li qub: yog peb saib xyuas txhua leej nrog kev huab hwm, kev hlub tshua thiab muab kev saib siab.
Qee zaum cov tub ceev xwm — suav nrog ICE — tej zaum yuav tuaj rau hauv tsev kho mob los sis chaw kho mob, xws li thaum lawv muaj tus neeg mob raug kaw uas xav tau kev kho mob. Yog tias qhov ntawv no tshwm sim, peb cov neeg ua hauj lwm yuav ua raws li cov cai thiab cov kauj ruam kom ntxaws txhawm rau kom txhua leej muaj kev nyab xeeb. Peb tsis pub ICE los sis ib tug tub ceev xwm twg nkag mus rau hauv qhov chaw neeg mob ntiag tug tshwj tsis yog tias nws tsim nyog rau kev saib xyuas tus neeg mob, xws li thaum tus neeg mob uas raug saib xyuas los ntawm tub ceev xwm xav tau kev saib xyuas los sis muaj cov ntaub ntawv raug cai uas tsim nyog qhia kom ua li ntawd. Yog tias tus neeg mob tuaj txog hauv chaw kho mob raws li tseem nyob rau kev saib xyuas ntawm ICE, zoo li lwm cov tub ceev xwm, lawv yuav nyob ntawd nrog thaum tus neeg mob ntawd tau txais kev saib xyuas.
Tsis qhia. Peb tsis qhia cov ntaub ntawv ntawm tus neeg mob los sis cov neeg ua hauj lwm rau ICE los sis lwm lub koom haum sawv cev saib xyuas tub ceev xwm tshwj tsis yog tias lawv muaj ntawv tshawb los sis txoj cai qhia kom ua lwm yam. Peb ua raws li cov kev cai lij choj txog kev ceev ntiag tug, suav nrog Tsab Cai Hais Txog Kev Lav Ris thiab Kev Ceev Tsis Pub Lwm Tus Paub Txog Kev Tuav Pov Hwm Kho Mob (Health Insurance Portability and Accountability Act, HIPAA), txhawm rau los tiv thaiv koj cov ntaub ntawv.
Tsis qhia. Peb muab kev saib xyuas rau txhua leej uas tuaj kho mob rau peb lub chaw kho mob. Koj tuaj yeem tuaj thov kev pab ntawm peb cov tsev kho mob thiab cov chaw kho mob tau txhua lub sij hawm yam tsis tas yuav ntshai li.
Yog tias koj tus neeg koj hlub raug ntes los ntawm tub ceev xwm thiab tab tom tau txais kev kho tawm hauv tsev kho mob (outpatient) hauv chaw kho mob lossis hauv chaw txais neeg mob ceev (ED), tsis pub muaj neeg tuaj xyuas. Cov neeg mob uas nyob ntev hauv tsev kho mob tuaj yeem muaj neeg tuaj xyuas raws li tus tub ceev xwm saib xyuas qhov chaw tso cai.
Nyob rau ntau lub sijhawm, tau. Cov khw tshuaj feem ntau pub kom ib tug phooj ywg ntseeg tau, ib tug neeg tsev neeg, lossis tus neeg saib xyuas tuaj nqa daim tshuaj rau koj.
Lawv yuav tsum muab lub npe thiab hnub yug ntawm tus neeg mob, thiab qee zaum yuav tsum muaj kos npe lossis daim npav qhia tus kheej. Rau qee cov tshuaj tshwj xeeb, tshwj xeeb tshaj yog cov tshuaj tswj hwm (controlled substances), yuav tsum muaj npe ntxiv ntawm daim npav qhia tus kheej.
Tau. Cov kws tshuaj (pharmacists) muaj cai siv lawv lub tswv yim los txiav txim seb puas tsim nyog tso daim tshuaj. Yog muaj teeb meem, thov nug seb yuav tsum muaj dab tsi ntxiv lossis puas muaj lwm txoj kev.
Tau. Cov khw tshuaj feem ntau muaj kev xa ntawv. Piv txwv li, Fairview Pharmacy muaj kev xa ntawv rau ntau daim tshuaj, uas pab txo lossis tshem tawm qhov yuav tsum mus khw tshuaj. Qhov muaj peev xwm xa tau nyob ntawm hom tshuaj, thiab kev xa ntawv yuav siv sijhawm, yog li zoo tshaj yog nug tus neeg sawv cev txog cov cai thiab lub sijhawm yuav tuaj txog.
Koj tuaj yeem pib los ntawm hu 612-672-5261 lossis 1-866-377-6245 (dawb) kom tham nrog tus sawv cev lossis tau txais ntaub ntawv ntxiv txog kev xa ntawv ntawm Fairview Pharmacy.
Koj tuaj yeem thov ntxiv tshuaj (refills) tau los ntawm hu xov tooj, xa daim ntawv thov refill rov qab nrog qhov khoom xa tuaj, thov online ntawm fairview.web.medrefill.org, lossis siv MyFairviewRx mobile app.
Koj txoj kev nyab xeeb yog qhov tseem ceeb tshaj plaws. Peb cov pab pawg tau txais kev cob qhia txog yam yuav tsum tau ua yog tias pom ICE. Lawv ua raws li cov cai tswj fwm uas tau tsim los ntev los ua kom kev saib xyuas muaj kev nyab xeeb thiab muaj kev ceev ntiag tug. Cov thawj coj saib xyuas ntawm tsev kho mob taug qab xyuas qhov xwm txheej txhawm rau kom tau txais cov ntaub ntawv hloov kho tshiab thiab qhia cov xov xwm tshiab rau cov neeg ua hauj lwm tau paub txhawm rau kom txhua leej paub tias yuav tiv tauj leej twg thiaj tau txais kev pab. Yog tias koj txhawj xeeb, peb cov neeg ua hauj lwm npaj txhij yuav los pab koj thiab teb koj cov lus nug.