ဖဲ M Health Fairview, တၢ်တူၢ်လိာ်မုာ်ပှၤကိးဂၤန့ၣ်လီၤ. တၢ်ကစီၣ်ဖဲတယံာ်ဒံးဘၣ်အပူၤတဖၣ် ဘၣ်ဃးဒီး ပၢၤကီၢ်တၢ်ပၢတၢ်ပြး လၢမံၣ်နံၣ်စိထၣ်အပူၤန့ၣ် ဒုးအိၣ်ထီၣ် တၢ်ဘၣ်ယိၣ်ဘၣ်ဘီ မ့တမ့ၢ် တၢ်သးကဒံကဒါ လၢပှၤအါမးအဂီၢ်န့ၣ် ပသ့ၣ်ညါလီၤ. ပတၢ်ဆါဟံၣ်တဖၣ်ဒီးကသံၣ်ဒၢးတဖၣ်မ့ၢ်ဝဲ တၢ်လီၢ်လၢအပူၤဖျဲးဘံၣ်ဘၢတဖၣ် ဖဲပှၤကိးဂၤမၤန့ၢ် တၢ်ကွၢ်ထွဲသ့, ကမ့ၢ်ပှၤဒ်လဲၣ်ဂ့ၤဒ်လဲၣ်ဂ့ၤ, ကဟဲလၢတၢ်လီၢ်ဖဲလဲၣ်ဂ့ၤဖဲလဲၣ်ဂ့ၤ,န့ၣ်လီၤ.
- ပလူၤပိာ်မၤထွဲ နီၢ်တဂၤဂ့ၢ်ဝီတၢ်အိၣ်သဒံၣ်အိၣ်သဒၢ အတၢ်ဘျၢအဂၢၢ်အကျၢၤတဖၣ်လီၤ
- ပဒီသဒၢ နတၢ်ဂ့ၢ်တၢ်ကျိၤလီၤ
- ပရ့လိာ်မၤဘၣ်ပှၤကိးဂၤလၢ သူးသ့ၣ်လၤကပီၤ, တၢ်အဲၣ်တၢ်ကွံ, ဒီးတၢ်ယူးယီၣ်ပာ်ကဲလီၤ
လီၤဆီဒၣ်တၢ် ဖဲတၢ်တလီၤတံၢ်လီၤဆဲးအခါ, ပတၢ်အၢၣ်လီၤသးလၢနဂီၢ်န့ၣ် တဆီတလဲအသးဘၣ်
Fairview အတၢ်ဘျၢသနူတဖၣ် လၢတၢ်သူၣ်လီၤဆီလီၤပာ်အီၤယံာ်တ့ၢ်လံတဖၣ် ဟ့ၣ်လီၤတၢ်နဲၣ်ကျဲလၢ မ့ၢ်ပကခီဆၢထီၣ် ပၢၤကီၢ်တၢ်ပၢတၢ်ပြးတဖၣ်, ပာ်ဃုာ်ဒီး ပှၤနုာ်လီၤကီၢ်ဒီးထံကီၢ်ခိသွဲတၢ်ဟဲနုာ် တၢ်မၤန့ၢ်ဆီၣ်ခံသဲစးအဝဲၤကျိၤ (Immigration and Customs Enforcement, ICE) အတၢ်ဟဲနုာ်လီၤဆူတၢ်သူၣ်ထီၣ်အပူၤဒ်လဲၣ် န့ၣ်လီၤ. တၢ်ဘျၢသနူတဖၣ်အံၤ တၢ်တ့တိာ်ကျဲၤအီၤ ဒ်သိးကဒီသဒၢ ပှၤဆါအတၢ်အိၣ်သဒံၣ်အိၣ်သဒၢ, တၢ်ပူၤဖျဲးဘံၣ်ဘၢ, ဒီးတၢ်တုၤအိၣ်ဒိးန့ၢ်တၢ်ကွၢ်ထွဲ, ဖဲလူၤပိာ်မၤထွဲ သဲစးဘၣ်ထွဲလိာ်သးတဖၣ်အခါ န့ၣ်လီၤ. ဖဲကွၢ်ထွဲပှၤဆါတဖၣ်လၢ အဟဲတုၤဖဲပတၢ်ကွၢ်ထွဲအလီၢ်တဖၣ်အဆၢကတီၢ် အလီၢ်အိၣ်လၢ Fairview ကလူၤပိာ်မၤထွဲ သဲစးဘၣ်ထွဲလိာ်သးတဖၣ် လၢပၢၤကီၢ်တၢ်ပၢတၢ်ပြး အတၢ်ပၢအဖီလာ်န့ၣ်လီၤ.
မ့ၢ်တဲနၢ်ပၢၢ်တၢ်ဆှဲဆှဲန့ၣ်-
- သဲစးလံာ်လဲၢ်တၢ်ပျဲအကြၢးအဘၣ်တဖၣ် မ့ၢ်တအိၣ်ဘၣ်ဒီး ပတပျဲ ICE လၢ ကဟဲနုာ်လီၤဆူ ပတၢ်သူၣ်ထီၣ်တဖၣ်အပူၤဘၣ်[SC1.1]
- သဲစးလံာ်လဲၢ်တၢ်ပျဲအကြၢးအဘၣ် လၢအမၤလိာ် Fairview လၢ ကနီၤဟ့ၣ်တၢ်ဂ့ၢ်တၢ်ကျိၤ မ့ၢ်တပာ်ဃုာ်အဃိဘၣ်ဒီး ပတဟ့ၣ်ခီဟ့ၣ်နီၤ ပှၤဆါ မ့တမ့ၢ် ပှၤမၤတၢ်ဖိ အတၢ်ဂ့ၢ်တၢ်ကျိၤလၢ ပၢၤကီၢ်တၢ်ပၢတၢ်ပြးဘၣ်
- ပဒီသဒၢ ပှၤဆါအတၢ်အိၣ်သဒံၣ်အိၣ်သဒၢ လၢဆူၣ်ချ့တၢ်ကွၢ်ထွဲဂ့ၢ်ဝီသဲစး အဖီလာ်လီၤ
- ပှၤနုာ်လီၤကီၢ်အတၢ်အိၣ်သး ကအိၣ်ဒ်လဲၣ်ဂ့ၤဒ်လဲၣ်ဂ့ၤ ပဟ့ၣ်လီၤ တၢ်ကွၢ်ထွဲလီၤ
- ပပှၤမၤတၢ်ဖိတဖၣ် တၢ်ဟ့ၣ်လီၤပာ်အီၤတၢ်မၤလိ ဒ်သိးကလူၤပိာ်မၤထွဲ တၢ်မၤကျဲသနူဖျိဖျိဖျါဖျါတဖၣ် လၢကမၤလီၤတံၢ် တၢ်ဒီသဒၢ တၢ်ကွၢ်ထွဲ, တၢ်ပူၤဖျဲးဘံၣ်ဘၢ, ဒီးတၢ်ဂ့ၢ်တၢ်ကျိၤအတၢ်ဘံၣ်တၢ်ဘၢအဂီၢ်လီၤ
ပကသံၣ်ဒၢးတဖၣ်ဒီးတၢ်ဆါဟံၣ်တဖၣ် မ့ၢ်ဒံးဝဲတၢ်လီၢ်တဖၣ်လၢ ပှၤဃုထံၣ်တၢ်ကွၢ်ထွဲ သ့ လၢတလိၣ်ပျံၤတၢ်ဘၣ်ယိၣ်တၢ်အပူၤန့ၣ်လီၤ. ဖဲတၢ်တလီၤတံၢ်လီၤဆဲးအဆၢကတီၢ်အခါဒၣ်လဲာ် တၢ်ဟ့ၣ်လီၤအၢၣ်လီၤသးအံၤ တဆီတလဲအသးဘၣ်.
တၢ်ဂ့ၢ်လၢပှၤညီနုၢ်သံကွၢ်အီၤတဖၣ်
ပှၤနုာ်လီၤကီၢ်ဒီးထံကီၢ်ခိသွဲတၢ်ဟဲနုာ် တၢ်မၤန့ၢ်ဆီၣ်ခံသဲစးအဝဲၤကျိၤ (Immigration and Customs Enforcement, ICE) အတၢ်ဟူးတၢ်ဂဲၤတဖၣ် ဟဲအါထီၣ်အသးလၢ ပကီၢ်စဲၣ်အပူၤန့ၣ်လီၤ. တၢ်အံၤကဒုးအိၣ်ထီၣ် တၢ်ပျံၤတၢ်ဖုး မ့တမ့ၢ် တၢ်သးကဒံကဒါ လၢပှၤအါမးအဂီၢ်န့ၣ် ပသ့ၣ်ညါအီၤလီၤ. တၢ်ဟူးတၢ်ဂဲၤအံၤ ကအိၣ်ဝဲဒ်လဲၣ်ဂ့ၤဒ်လဲၣ်ဂ့ၤ, ပမံးရှၢၣ်လၢအမ့ၢ် ပတၢ်ကွၢ်ထွဲပှၤကိးဂၤလၢ သူးသ့ၣ်လၤကပီၤ, တၢ်အဲၣ်တၢ်ကွံ, ဒီး တၢ်ယူးယီၣ်ပာ်ကဲန့ၣ် အိၣ်ဒံးဒၣ်ဝဲအလီၢ်လီၢ်န့ၣ်လီၤ.
တဘျီတခီၣ် ပၢၤကီၢ်တၢ်ပၢတၢ်ပြးတနီၤ, ပာ်ဃုာ်ဒီး ICE ဘၣ်သ့ၣ်သ့ၣ်ကဟဲဆူ ပတၢ်ဆါဟံၣ် မ့တမ့ၢ် ကသံၣ်ဒၢး န့ၣ်လီၤ. အဒိ ဖဲအဝဲသ့ၣ်အိၣ်ဒီး ပှၤဆါတဂၤလၢအအိၣ်လၢ အတၢ်ဒိးဃာ်ပၢၤဃာ်တၢ်အပူၤ ဒီးပှၤတဂၤအံၤလိၣ်ဘၣ် ဆူၣ်ချ့ဂ့ၢ်တၢ်ကွၢ်ထွဲ အဆၢကတီၢ်အခါ. တၢ်အံၤမ့ၢ်ကဲထီၣ်အသးန့ၣ်, ပပှၤမၤတၢ်ဖိတဖၣ် လူၤပိာ်မၤထွဲဝဲ တၢ်ဘျၢဒီးတၢ်မၤအပတီၢ် ဖျိဖျိဖျါဖျါတဖၣ် ဒ်သိးကပၢၤဃာ် ပှၤကိးဂၤအတၢ်ပူၤဖျဲးဘံၣ်ဘၢအဂီၢ် န့ၣ်လီၤ. မ့တမ့ၢ်ဘၣ်သၢပျၢၤလၢ အလီၢ်အိၣ်ဝဲနီၢ်နီၢ်လၢ တၢ်ကွၢ်ထွဲပှၤဆါအဂီၢ်, အဒိ ဖဲပှၤဆါတဂၤလၢအအိၣ်လၢ ပၢၤကီၢ်တၢ်ပၢတၢ်ပြး အတၢ်ဒိးဃာ်ပၢၤဃာ်တၢ်အပူၤ လိၣ်ဘၣ်ဝဲတၢ်ကွၢ်ထွဲအခါ မ့တမ့ၢ် ဖဲသဲစးလံာ်လဲၢ်တၢ်ပျဲအကြၢးအဘၣ် လၢအမၤလိာ်တၢ်အံၤ မ့ၢ်အိၣ်ဝဲအခါ, အဃိဘၣ်ဒီး ပတပျဲ ICE မ့တမ့ၢ် ပၢၤကီၢ်တၢ်ပၢတၢ်ပြးအဂၤ ဟဲနုာ်လီၤဆူ ပပှၤဆါအနီၢ်တဂၤတၢ်လီၢ်တၢ်ကျဲတဖၣ်အပူၤဘၣ်. ဒ်ပၢၤကီၢ်တၢ်ပၢတၢ်ပြးအဂၤအသိး, ပှၤဆါလၢအအိၣ်လၢ ICE အတၢ်ဒိးဃာ်ပၢၤဃာ်တၢ်အပူၤ မ့ၢ်ဟဲတုၤန့ၣ် အဝဲသ့ၣ်ကအိၣ်ဖဲန့ၣ် ဖဲပှၤဆါအံၤဒိးန့ၢ်ဘၣ် တၢ်ကွၢ်ထွဲအခါန့ၣ်လီၤ.
ပတဟ့ၣ်လီၤဘၣ်. အဝဲသ့ၣ်မ့ၢ်တဒုးနဲၣ်ပၠးပှၤ ကွီၢ်ဘျီၣ်အလံာ်ပျဲအမ့ၢ်အတီတခါ မ့တမ့ၢ် သဲစးမ့ၢ်တမၤလိာ်တၢ်အံၤဘၣ်ဒီး, ပတဟ့ၣ်ခီဟ့ၣ်နီၤ ပှၤဆါ မ့တမ့ၢ် ပှၤမၤတၢ်ဖိ အတၢ်ဂ့ၢ်တၢ်ကျိၤဆူ ICE မ့တမ့ၢ် ပၢၤကီၢ်တၢ်ပၢတၢ်ပြး ခၢၣ်စးကရၢအဂၤဘၣ်. ပလူၤပိာ်မၤထွဲ နီၢ်တဂၤဂ့ၢ်ဝီတၢ်အိၣ်သဒံၣ်အိၣ်သဒၢ သဲစးလၢအဃံးတဖၣ်, ပာ်ဃုာ်ဒီး Health Insurance Portability and Accountability Act (HIPAA), လၢကဒီသဒၢနတၢ်ဂ့ၢ်တၢ်ကျိၤအဂီၢ်န့ၣ်လီၤ.
တမၤဘၣ်ဒိဘၣ်ထံးဘၣ်. ပဟ့ၣ်လီၤ တၢ်ကွၢ်ထွဲဆူ ပှၤကိးဂၤလၢအဟဲနုာ်လီၤလၢပပဲတြီအပူၤတဖၣ်န့ၣ်လီၤ. လၢကဒိးန့ၢ်တၢ်မၤစၢၤအဂီၢ် နဟဲဆူ ပတၢ်ဆါဟံၣ်တဖၣ် ဒီးကသံၣ်ဒၢးတဖၣ် သ့ဝဲတဘျီလၢ်လၢ်လီၤ, တလိၣ်နပျံၤတၢ်ဘၣ်.
ပှၤလၢနအဲၣ်ဘၣ်တဂၤန့ၣ် မ့ၢ်ဘၣ်တၢ်ဖီၣ်ဃာ်အီၤလၢပၢၤကီၢ် ဒီးမ့ၢ်ဒိးန့ၢ်ဘၣ် တၢ်ကွၢ်ထွဲလၢပှၤဆါလၢတထီၣ်တၢ် ဆါဟံၣ်အဂီၢ် ဖဲကသံၣ်ဒၢး မ့တမ့ၢ် ဂ့ၢ်ဂီၢ်အူဝဲၤကျိၤ (ED) န့ၣ် ပှၤဟဲဟးအိၣ်သကိးအီၤတန့ၢ်ဘၣ်. ပှၤဆါလၢဘၣ် ထီၣ်တၢ်ဆါဟံၣ်ဖးယံာ်တဖၣ်အဂီၢ် ပၢၤကီၢ်လၢအံးကွၢ်ပၢဆှၢအီၤမ့ၢ်ပျဲန့ၣ် ပှၤဟဲဟးအိၣ်သကိးအီၤသ့န့ၣ်လီၤ.
လၢတၢ်အိၣ်သးအါတက့ၢ်န့ၣ်, သ့လီၤ. ကသံၣ်ကျးတဖၣ် အါစုအါဘျီပျဲဝဲလၢ တံၤသကိး, ဟံၣ်ဖိဃီဖိ, မ့တမ့ၢ် ပှၤကွၢ်ထွဲလၢတၢ်နာ်အီၤတဂၤ ကလဲၤဟံးန့ၢ်ကသံၣ်လၢကသံၣ်သရၣ်နဲၣ်လီၤ လၢနခၢၣ်စးန့ၣ်လီၤ.
တၢ်သံကွၢ်အီၤ ပှၤဆါအမံၤဒီးအိၣ်ဖျဲၣ်မုၢ်နံၤ, ဒီးလၢတၢ်အိၣ်သးတနီၤန့ၣ် စုဆဲးပနီၣ် မ့တမ့ၢ် တၢ်ဂီၤတၢ်အုၣ်သးသ့န့ၣ်လီၤ. ကသံၣ်ကသီတနီၤ, လီၤလီၤဆီဆီ ကသံၣ်လၢတၢ်တြီအီၤဃံးဃံးတဖၣ်အဂီၢ် ဘၣ်သ့ၣ်သ့ၣ်ကလိၣ်ဘၣ် တၢ်အုၣ်သးအဂၤတဖၣ်န့ၣ်လီၤ.
မ့ၢ်. တၢ်ဟ့ၣ်လီၤကသံၣ်လၢကသံၣ်သရၣ်နဲၣ်လီၤန့ၣ် မ့ၢ်ကြၢးတကြၢးဧါန့ၣ် နပှၤကူၣ်သ့ကသံၣ်ကသီတဖၣ် စူးကါဝဲအတၢ်ဖံးတၢ်မၤတၢ်ကူၣ်သ့ဒီး ဆၢတဲာ်ဝဲသ့န့ၣ်လီၤ. တၢ်ဂ့ၢ်ကီမ့ၢ်အိၣ်တမံၤမံၤန့ၣ် တၢ်လိၣ်ဘၣ်တၢ်ဂ့ၢ်တၢ်ကျိၤအဂၤမနုၤလဲၣ် မ့တမ့ၢ် တၢ်ဃုထၢအဂၤအိၣ်ဧါန့ၣ် သံကွၢ်တက့ၢ်.
. ကသံၣ်ကျးအါဖျၢၣ်န့ၣ် ဆှၢန့ၢ်တၢ်ခီဖျိလံာ်တၢးန့ၣ်လီၤ. အဒိန့ၣ် Fairview Pharmacy ဆှၢန့ၢ်ကသံၣ်ကသီအါမးခီဖျိလံာ်တၢး, ဒီးတၢ်အံၤမၤစှၤလီၤ မ့တမ့ၢ် တြူာ်ကွံာ် တၢ်ဘၣ်လဲၤဆူကသံၣ်ကျး လၢနီၢ်ကစၢ်န့ၣ်လီၤ. တၢ်ဆှၢလီၤကသံၣ်ခီဖျိလံာ်တၢး ကသ့ဧါတသ့ဧါန့ၣ် ဒိးသန့ၤအသးလၢ ကသံၣ်ကသီအဖီခိၣ်န့ၣ်လီၤ. ဒီးတၢ်ဆှၢကသံၣ်ခီဖျိလံာ်တၢးန့ၣ် အဆၢကတီၢ်ယံာ်ဝဲအဃိ တၢ်ဆှၢကသံၣ်မနုၤတဖၣ်သ့လဲၣ်ဒီး ကသံၣ်ကဟဲတုၤဆူနအိၣ်အဂီၢ် ကယံာ်ထဲလဲၣ်န့ၣ် မ့ၢ်သံကွၢ် တၢ်မၤလိာ်ကသံၣ်ခီဖျိလံာ်တၢးအပှၤခၢၣ်စးန့ၣ် မ့ၢ်တၢ်အဂ့ၤကတၢၢ်န့ၣ်လီၤ.
နစးထီၣ်သ့ ခီဖျိနကိးလီတဲစိဆူ 612-672-5261 or 1-866-377-6245 (အပှ့ၤကလီ) ဒ်သိးကကတိၤတၢ်ဒီးပှၤခၢၣ်စးတဂၤအဂီၢ် မ့တမ့ၢ် ကဒိးန့ၢ်တၢ်ဂ့ၢ်တၢ်ကျိၤအါထီၣ်ဘၣ်ဃး တၢ်ဆှၢတၢ်ခီဖျိလံာ်တၢးလၢ Fairview Pharmacy အဂီၢ်န့ၣ်လီၤ.
နဃ့ထီၣ်လၢ တၢ်ကမၤပှဲၤက့ၤနကသံၣ် ခီဖျိလီတဲစိ, ခီဖျိတၢ်ဆှၢက့ၤ တၢ်မၤပှဲၤကသံၣ်လံာ်ကွီၣ်ဒိ လၢပၣ်ဃုာ်ဒီး ကသံၣ်အဘိၣ်လၢတၢ်ဆှၢလီၤနၤအပူၤကွံာ်တဘျီလၢလံာ်တၢး, ခီဖျိအ့ၣ်ထၢၣ်နဲးလၢ fairview.web.medrefill.org, မ့တမ့ၢ် ခီဖျိ MyFairviewRx လီတဲစိအဲး(ပ)သ့န့ၣ်လီၤ.
နတၢ်ပူၤဖျဲးဘံၣ်ဘၢန့ၣ်မ့ၢ်ဝဲ တၢ်ဟဲဆိလၢညါန့ၣ်လီၤ. ဖဲ ICE ဟဲပၢၢ်ထီၣ်အခါ မ့ၢ်ကဘၣ်မၤတၢ်မနုၤန့ၣ် ပကရူၢ်တဖၣ် တၢ်ဟ့ၣ်ပာ်အီၤတၢ်မၤလိန့ၣ်လီၤ. အဝဲသ့ၣ်လူၤပိာ်မၤထွဲ သနူဆီလီပာ်လီၤသးယံာ်ယံာ်ထၢထၢတဖၣ် လၢတၢ်တ့တိာ်ကျဲၤပာ်အီၤ လၢတၢ်ကွၢ်ထွဲအတၢ်ပူၤဖျဲးဘံၣ်ဘၢ ဒီးတၢ်အိၣ်သဒံၣ်အိၣ်သဒၢအဂီၢ် န့ၣ်လီၤ. တၢ်ဆါဟံၣ်အခိၣ်အနၢ်တဖၣ် ကွၢ်စူၣ်ကယာ်ဝဲ တၢ်အိၣ်သးအံၤ လၢတၢ်ဂ့ၢ်ချုးကတီၢ်တဖၣ်အဂီၢ် ဒီးဟ့ၣ်ခီဟ့ၣ်နီၤ တၢ်ဂ့ၢ်အသီတဖၣ်ဆူ ပှၤမၤတၢ်ဖိတဖၣ် ဒ်သိးကမၤလီၤတံၢ်လၢ ပှၤကိးဂၤကသ့ၣ်ညါဘၣ် ပှၤလၢကဆဲးကျိးအီၤ လၢတၢ်မၤစၢၤအဂီၢ်န့ၣ်လီၤ. နမ့ၢ်ဘၣ်ယိၣ်တၢ်န့ၣ်, ပပှၤမၤတၢ်ဖိတဖၣ်အိၣ်ဖဲအံၤ လၢကမၤစၢၤနၤ ဒီးကစံးဆၢနတၢ်သံကွၢ်တဖၣ်အဂီၢ်န့ၣ်လီၤ.