Txhua tus neeg mob muaj cai txais kev saib xyuas zoo ua lawv yam lus kom lawv thiaj to taub. Yeej tseem ceeb rau koj muaj peev xwm nug tej nqe lus, qhia txog koj tej kev txhawj xeeb, thiab txuas lus nrog koj cov kws kho mob thiab pab pawg saib xyuas koj txoj kev kho mob. Yog li no M Health Fairview thiaj muab kev pab txhais lus pub dawb kom pab sib txuas lus 24 teev txhua hnub. Koj thov tau rau ib tug kws txhais lus:

• Thaum koj teem caij
• Thaum twg los tau ua ntej tuaj koom qhov teem caij 
• Thaum koj tuaj txog rau koj qhov teem caij
• Thaum uas koj qhia ib tug neeg ua hauj lwm nyob tom koj qhov teem caij hais tias koj xav tau kev pab txhais lus.

Kev pab txhais lus no mas muab pub dawb 24 teev txhua hnub. Kuj muaj neeg txhais lus tim ntsej tim muag, dhau lub xov tooj, thiab dhau lub koos pis tawj rau ntau yam lus thiab. Muaj kev pab txhais lus dhau lub xov tooj thiab lub koos pis tawj rau li 250 yam lus.

Muaj kev pab txhais lus tim ntsej tim muag rau tej yam lus nram qab: 

• Lus Mev
• Lus Xaus Mas Lis
• Lus Hmoob/Lus Nplog
• Lus Oromo/Amharic
• Lus Karen
• Lus Piav Tes
• Lus Lav Xias
• Lus Nyab Laj
• Lub Qhab Meem
• Lwm yam lus yog thov

Peb kuj muaj lwm yam kev pab cuam txuas lus, lub tshuab txhais lus, thiab kev pab txhais lus rau cov ntaub ntawv qhia neeg mob.

Thawj zaug uas peb teem caij rau koj, ces peb yuav nug koj seb koj xum hais yam lus twg thiab seb koj puas xav tau kev pab txhais lus. Thaum peb paub tias koj xav tau kev pab txhais lus lawm, ces peb yuav nrhiav neeg pab txhais lus txhua zaus koj tuaj.

Kev pab rau neeg lag ntseg thiab cov hnov lus tsis zoo

Peb muaj neeg piav tes ASL los sis CART rau cov neeg mob uas lag ntseg, dig muag, los sis nyuaj hnov lus. Kuj muaj kev pab txuas lus pub dawb yog thov. Yog koj xav tau kev pab no, thov qhia M Health Fairview ib tug neeg ua hauj lwm thiab qhia seb koj xav tau hom twg.

 Tej zaum peb muaj ntawv uas twb txhais uas koj yam lus lawm. Thov nrhiav nram qab no.