ပှၤဆါကိးဂၤဒဲးအိၣ်ဒီးခွဲးယာ်လၢကဒိးန့ၢ်ဘၣ် တၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်တၢ်တိစၢၤမၤစၢၤတဖၣ် လၢကျိာ်လၢအဝဲသ့ၣ်နၢ်ပၢၢ်အပူၤန့ၣ်လီၤ. တၢ်အံၤအရ့ဒိၣ်လၢနကသ့သံကွၢ်တၢ်သံကွၢ်တဖၣ်, ပာ်ဖျါထီၣ်တၢ်ဘၣ်ယိၣ်တဖၣ်, ဒီး ဆဲးကျၢဆဲးကျိးတၢ်တုၤလီၤတီၤလီၤဒီးနကသံၣ်သရၣ်တဖၣ်ဒီး တၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်တၢ်တဖုန့ၣ်လီၤ. လၢတၢ်အံၤအဃိ M Health Fairview ဟ့ၣ်လီၤ ပှၤကတိၤကျိးထံတၢ် ဒီး တၢ်ကွဲးကျိာ်ထံတၢ်ဟ့ၣ်မၤစၢၤတဖၣ်လၢတလၢာ်ဘူၣ်လၢာ်စ့ၤဒီး တၢ်ဆဲးကျၢဆဲးကျိးတၢ်ဟ့ၣ်မၤစၢၤတဖၣ် တနံၤန့ၣ် 24 နၣ်ရံၣ်, တနွံန့ၣ် နွံသီန့ၣ်လီၤ. နဃ့ထီၣ် ပှၤကတိၤကျိးထံတၢ်တဂၤသ့- 

• ဖဲနမၤနတၢ်သ့ၣ်ဆၢဖးကတီၢ်အခါ 
• တၢ်ဆၢကတီၢ်တဘျီဂ့ၤတဘျီဂ့ၤတချုးနတၢ်သ့ၣ်ဆၢဖးကတီၢ် 
• ဖဲနဟဲတုၤလၢနတၢ်သ့ၣ်ဆၢဖးကတီၢ်အဂီၢ်အခါ 
• ဖဲနတဲပှၤမၤတၢ်ဖိတဂၤ ဖဲတၢ်ဆၢကတီၢ်တဘျီလၢ်လၢ် ဖဲနတၢ်သ့ၣ်ဆၢဖးကတီၢ်အပူၤလၢ နအဲၣ်ဒိးပှၤကတိၤကျိးထံတၢ်အတၢ်တိစၢၤမၤစၢၤတဖၣ်အခါန့ၣ်လီၤ. 

ပှၤကတိၤကျိးထံတၢ်အတၢ်မၤစၢၤတဖၣ် အိၣ်ဝဲလၢတၢ်လၢာ်ဘူၣ်လၢာ်စ့ၤတအိၣ် တနံၤန့ၣ် 24 နၣ်ရံၣ်, တနွံန့ၣ် နွံသီန့ၣ်လီၤ. ပှၤကတိၤကျိးထံတၢ်တဖၣ်လၢ အနီၢ်ကစၢ်အပူၤ, လၢလီတဲစိ, ဒီး လၢဘံၢ်ဒံၢ်အိၣ်အပူၤ အိၣ်ဝဲလၢကျိာ်အါမံၤအပူၤန့ၣ်လီၤ. လီတဲစိဒီး ဘံၢ်ဒံၢ်အိၣ်ပှၤကတိၤကျိးထံတၢ်အတၢ်မၤစၢၤတဖၣ်အိၣ်ဝဲလၢ တၢ်ဃ့ထီၣ်အီၤအခါလၢ ကျိာ်ဒီးတၢ်ကတိၤအသီၣ် 250 ဃၣ်ဃၣ်အဂီၢ်န့ၣ်လီၤ. 

တၢ်ကတိၤကျိးထံတၢ်အတၢ်မၤစၢၤတဖၣ် လၢနီၢ်ကစၢ်အပူၤအိၣ်ဝဲလၢကျိာ်လၢအဖီလာ်တဖၣ်အဂီၢ်န့ၣ်လီၤ- 

• Spanish(စပ့ၣ်ကျိာ်)
• Somali(စိၣ်မၢ်လံၣ်ကျိာ်)
• Hmong(မိကျိာ်)/Lao(လၣ်အိၣ်) 
• Oromo(အိရိမိကျိာ်)/Amharic(အၣ်ဟါရံးကျိာ်)
• ကညီကျိာ် 
• ASL (အမဲရကၤတၢ်ပနီၣ်ကျိာ်)
• Russian(ရၢရှၢၣ်ကျိာ်)
• Vietnamese(ဘံၣ်ယဲးနၣ်ကျိာ်)
• Cambodian(ကၣ်ဘိဒံယါကျိာ်)
• ကျိာ်အဂၤလၢတၢ်ဃ့ခွဲးထီၣ်အဖီခိ

ပဟ့ၣ်လီၤစ့ၢ်ကီး တၢ်ဆဲးကျၢဆဲးကျိးတၢ်မၤစၢၤအဂၤတဖၣ်, cart (တၢ်ကျိးထံတၢ်ဖဲတၢ်ဆၢကတီၢ်တဘျီဃီ) တၢ်မၤစၢၤတဖၣ်လၢ တၢ်ကွဲးဖျါထီၣ်လံာ်ဖျၢၣ်ဖဲတၢ်ဆၢကတီၢ်တဘျီဃီအဂီၢ်, ဒီး တၢ်ကွဲးကျိာ်ထံတၢ်မၤစၢၤတဖၣ်လၢပှၤဆါတၢ်ဟ့ၣ်ပီညါအတၢ်ဂ့ၢ်တၢ်ကျိၤတဖၣ်အဂီၢ်န့ၣ်လီၤ.  

ဖဲပရဲၣ်ကျဲၤနတၢ်ဒုးနဲၣ်သးအခီၣ်ထံးတဘျီအခါန့ၣ်, ပကသံကွၢ်နၤဘၣ်ဃး ကျိာ်လၢနဘၣ်သးအီၤအါဒီး မ့ၢ်နကလိၣ်ဘၣ်ပှၤကတိၤကျိးထံတၢ်အတၢ်မၤစၢၤတဖၣ်ဧါန့ၣ်လီၤ. ဖဲနပှၤကတိၤကျိးထံတၢ်အတၢ်လိၣ်ဘၣ်တဖၣ် အိၣ်လၢနစရီအပူၤတဘျီဃီန့ၣ်, ပကရဲၣ်ကျဲၤပှၤကတိၤကျိးထံတၢ် အတၢ်တိစၢၤမၤစၢၤတဖၣ် ဖဲနတၢ်ဟဲဒုးနဲၣ်သးတဘျီလၢ်လၢ်န့ၣ်လီၤ. 

နၢ်တအၢဒီးနၢ်တဟူတၢ်ဂ့ၤဂ့ၤအဂီၢ်တၢ်တိစၢၤမၤစၢၤတဖၣ် 

ပဟ့ၣ်လီၤ ASL (အမဲရကၤတၢ်နဲၣ်စုနဲၣ်ခီၣ်အကျိာ်) ပှၤကတိၤကျိးထံတၢ်တဖၣ် မ့တမ့ၢ် CART (တၢ်ကျိးထံတၢ်ဖဲတၢ်ဆၢကတီၢ်တဘျီဃီ) ဆူပှၤဆါတဖၣ်လၢအနၢ်တအၢ, အနၢ်တအၢမဲာ်ဘျီၣ်, မ့တမ့ၢ် နၢ်တဟူတၢ်ဂ့ၤဂ့ၤန့ၣ်လီၤ. တၢ်ဆဲးကျၢဆဲးကျိးတၢ်မၤစၢၤတဖၣ်လအိၣ်ဝဲလၢတအိၣ်ဒီးတၢ်လၢာ်ဘူၣ်လၢာ်စ့ၤဖဲတၢ်ဃ့ထီၣ်အဖီခိၣ်န့ၣ်လီၤ. နမ့ၢ်အဲၣ်ဒိးတၢ်မၤစၢၤတဖၣ်အံၤန့ၣ်, ဝံသးစူၤတဲဘၣ် M Health Fairview ပှၤမၤတၢ်ဖိတဂၤဂ့ၤတဂၤဂ့ၤဒီး ပာ်ဖျါထီၣ်ကျိာ်လၢနဘၣ်သးအီၤအါတဖၣ်န့ၣ်တက့ၢ်.

 ဘၣ်သ့ၣ်သ့ၣ်ပကွဲးကျိာ်ထံတ့ၢ်လံာ်တီလံာ်မီတဖၣ် ဆူကျိာ်လၢနဃုထၢအီၤအပူၤဝံၤလံန့ၣ်လီၤ. ဝံသးစူၤကွၢ်ဃုအဝဲသ့ၣ်လၢအဖီလာ်န့ၣ်တက့ၢ်.